第三日一早,照樣咁食左早餐,跟住就跟大隊,響酒店後面個沙灘度搭快艇,去果日既目的地~珊瑚島~船程大約15分鐘到~不過去珊瑚島之前,船會先去途中既一隻大板船先,因為果度係玩跳傘ge,所以上去排隊~好多人玩,我都有玩,d工作人員好快手咁幫玩既人扣上果個傘同安全帶~不過輪到我時非常危險,因為佢地懶係手腳快,所以原來我個傘既扣未扣好,快艇就開艇拉我起飛,好彩果條友睇到,即刻扣返實,如果唔係.....可能我返唔到黎lu......被拉死...x_x"
但飛到上去真係好舒服,好似雀仔咁,真係有飛既感覺,好自由自在咁,如果真係冇野吊住就好lu~玩完跳傘後上返快艇,繼續去珊瑚島~

去到珊瑚島時正係潮漲,水位好高,個沙灘既沙位都冇埋,落艇都要間水上岸~
我玩左香蕉船,四-五個人玩既,我同我細佬再加三個團友一齊玩,揸水上電單車拉我地果條友玩野,整反左我地三次,搞到我地飲左唔少海水.....勁咸~>.<~
玩完e個之後,即刻接住玩水上電單車,我揸,載住我細佬,加埋一個工作人員跟住,我成日揸到架水上電單車飛起,搞到我細佬鬼殺咁嘈~haha~~

玩完之後,我細佬去左玩海底漫步,不過我冇玩,我休息lu~我走去玩吉吉紋身,紋左隻蠍子響手背同一個花紋響手指,都幾型ga~本來仲諗住留到2月1日出show ga,型丫ma,不過留唔到lu,因為會"nut"色......

去完珊瑚島,行程就去參觀皮革店,果度咩皮都有,d魔鬼魚皮既野仲好靚tim~我買左個魔鬼魚皮既銀包~二樓係賣珠寶飾物既,我買左對白寶石耳環,同一個紫寶石吊咀,都好靚,又唔算貴,起碼係真野先丫~~

跟住夜晚食完飯,去左做古法按摩,e個先係最正既活動~
手勢一流既泰妹,全身按摩左兩個鐘,之後舒服晒,將近排做野之後既累氣全消,根骨都鬆埋~~好掂~~!

之後返酒店休息lu~~~~~~~~待續