最有意義的一天

九月的一個星期六，與朋友闖入政府總部靜坐，一坐便是五個小時。雖然我們只是靜靜地坐在道路兩旁，什麼也沒做，卻是以最平靜的方式發出最強烈的反對聲音；同時，為反國教的家長、老師、學生及有心人打打氣。香港人真是個奇怪的社群，平時看似政治冷感，凡事抱著事不關己己不勞心的態度，但在大是大非的事情上，卻又無比團結。那個週末，當這班黑衣人團結一起的時候，看見的不是無盡的黑夜，而是黑衣下裹著12萬顆熾熱無比的心。
 
連盧廣仲也作了首「歐拉拉呼呼」支持支持 ！


最熱血的演唱會
「調音調得好，人生無煩腦」、「微笑要繼續，快樂是必須」！！！盧廣仲在這個入伍前的演唱會不再提醒我們食早餐，卻繼續以音樂、傻笑、打低蚌精及清朝彊屍，為我們驅走負能量 。
 
最驚喜的舞台劇
《極地情聖》，兩個幾鐘，全程只得兩個麻甩佬齋講，但係如果佢re-run，我絕對會再睇。
 
最冧爆時刻
從午睡中被吵醒爆燥喪叫媽咪如叫狗，到被我的熱情溶化，跟我在地下扮鱷魚、用腳板放在耳邊扮講電話、坐在high chair 上玩韆鞦及被我90度直角垂吊當地拖玩，一晚時間，我耗盡精力，得到的是…...
當我蹲在地上著鞋離開時，她走到我身旁悄悄地問我：「你聽日嚟唔嚟呀？」
我無奈的答：「我聽日嚟唔到啦，我遲D再嚟同Khloe玩啦」
她說：「但係我會返學」
我安慰她說：「我會等你放學之後嚟屋企搵你，好唔好？」
個「好」字都未講完，佢已經撲咗埋嚟攬住我條頸，那刻，唔好話心軟，成個身都軟晒呀………
離開時，我下定決心，以後唔可以再到處留情，哈哈哈！
 
最傷心一刻
回想當初還未沉迷whatsapp時，對身邊人無時無刻機不離手實在看不過眼，在家whatsapp、在辦公室whatsapp、食飯whatsapp、坐車whatsapp、就連走路也在whatsapp，真係唔怕PK? 以為眾人皆醉我獨醒，其實唔醒得幾耐，最終還是失守加入PK行列。所以，有一天，當有人同你講「你唔好再whatsapp我」嘅時候，原來其震撼程度猶如世界末日(如有)，哈哈哈！