沒上瑜珈班後，突然多出數倍時間，要不停尋找節目去填滿空閒。數數看，2011年的頭7個月，平均每星期看一齣戲、話劇或聽一場演奏會。都好看 / 聽嗎？不一定，是一場賭博！不過，就算再爛的演出，都總有它的價值，至少，它幫我消磨時間。

村上春樹同王菲 –– 百份之百肯定唔係我杯茶 (陪朋友另計)
胡琳演唱會 –– 看過這個Jazz Concert會明白到有些事情是勉強不來的
拉濶謝安琪x RubberBand x蘇永康 –– 第一次中途離場！免費飛，都係唔好隨便攞
一屋寶貝 –– 講親情愛情友情，超老土，但真係會喊濕一包紙巾，下次一定要攞入場前免費派發的紙巾
小人國3之小人三國 –– 好好笑超好笑喪好笑~~~~~
Cecilia Bartoli –– 原來歌劇都唔一定死唔斷氣
高鐘女王 + 似是有緣人 + 讓師奶飛 –– 點解，係電影節上映嘅電影完場時會得到觀眾嘅掌聲，但平時係戲院上映嘅電影就無？大細超到呢~~~~~
3D玉蒲團 –– 可一不可再，入場應該派嘔吐袋
I Love You Because  –– 所有事情都可以計算嗎？
29+1 7次方 –– 其實，真係唔需要計較咁多
盧凱彤掀起連場音樂會 –– 見證幼蟲蛻變的一場音樂會，正！
紅娘的異想世界之在西廂 –– 現實與想像，可以相差很遠很遠
戀人絮語 –– 清清楚楚的，多沒癮，還是拉拉扯扯曖曖昧昧比較吸引
黃韻玲春暖花開音樂會 –– 感動人心的，除歌聲及琴技外，還有她對各人的祝福，「要活得比現在更健康更勇敢哦！」