由聯合轉左去九龍醫院既康復病院,加埋已經住左8日
平時佢睇完醫生問佢咩事,佢總係話冇野,冇事
結果今次一入院,係無了期地住院
肺炎,肺積水,心臟引至氣速透唔到氣..........等等既問題
令佢要一直咁聞氣,直至唔駛再聞為止
而佢心臟同血壓亦要一直觀察,個肺冇問題喇
先可以出院,所以暫時都仲未知要住幾耐
不過其他野要等見醫生先可以決定佢幾時出院
但護士已講到明,如果屋企冇人照顧佢
最好搵間日間顧理/老人院佢住.................................

有段時間,我真係好恨,好憎他
有時火上心頭我會咁講
不過平心靜氣既時候,其實我想一家人開開心心
一齊食飯,一齊傾偈,一個人係醫院既日子絕對唔好過
我好明白..............但,佢而家咁
我真係幾想佢入老人院長住,除左因為有人睇住佢
照顧佢,迫佢以後定時食藥之外
對我細佬同我媽既情緒,都係一件好事
如果係咁,我媽就唔駛番泰國了

我好唔想,同她分開啊~
2005/09/05 01:13am