細個既時候,少不免都會講過下大話呃自己既媽媽
因為唔想俾佢知道自己考試/默書太低分
怕會俾佢鬧,鬧完仲要食"滕條炆豬肉"
一邊捱打,一邊又要忍住痛
怕一喊出聲,打得仲要重,仲要痛

大個,少不免有時都會講下d善意既大話
因為唔想佢擔心自己失戀唔開心,係公司受氣
明明眼紅紅,劈完酒番屋企全身一陣煙酒味
仲要話係公司d同事食煙,岩岩係巴士酒鬼坐正隔離
之後話好累,快快趣去沖涼跟手上床訓覺
仲要趁夜半全屋人訓晒先敢喊

對住朋友,有時強顏歡笑,以圖掩飾自己唔開心

其實,亞媽又好,朋友都好
係心水清既,留意你每個既一舉一動
都知道你係度發生咩事,只係唔出聲令你難堪

既然係咁既,係我面前呃我
又冇咩意思.........................???