噚晚其實心情都唔多好,我諗左好耐,大家o既關係應該點樣處理!不過佢問起今日會去邊,其實我好想留o係屋企好好的想清楚自己o既事! 不論係感情,工作定係將來都好! 我都想俾自己冷靜咁諗清楚!不過佢提議話睇鬼片,話不如去沙田睇! 其實我知道佢去沙田睇係遷就我的!加上我真係好想睇...於是我今日都有出去!可惜,好多野都係整定...!如果今日我無出去的話,可能我地都唔會咁快有決定!

睇6pm,約4:30pm太趕啦,怕買唔到飛! 加上,我知道佢一定又會遲到!所以我"特登"約佢4:15pm!佢遲到..我預左,亦都估到! 最後,同我猜測o既完全相同,佢結果都要4:30pm先到! 我已經都無出聲!

佢黎到問我係咪買左飛???!我雖然比佢早到,但邊有可能15mins去買飛再走返黎火車站?我話未,咁而家去買啦,佢叫我陪佢食左o野先!我話咁都要買左飛先!一陣無飛咁又要改節目嗎?? 沿路途中,我發覺佢同平時一樣,都係行得好慢,好遲鈍咁! 呢樣係佢性格,成日都係我行前,佢行後,我行一陣又要回頭等埋佢,但佢從來都唔會因為人地等而行快2步!

我實在真係唔想好似湊仔咁,行2步,就回頭叫"阿仔,你行快d啦"或者要拉住佢行快d! 呢樣野我真係放o係心度好耐,我同佢講..."你可唔可以行快dd咁多多呢?"佢無理我,照跟住平時慢條斯理o既態度! 我決定跟住佢尾,我好想感受下,佢咁o既行路速度究竟感覺係點? 亦都想俾佢感受下,行2步跟住要停低,等埋人地慢慢行o既感覺! 因為我一路都做緊呢一樣野!佢一直都感受唔到!

跟住佢後面,感情真係唔係咁好受!(你急佢唔急!你緊張佢唔緊張!)之後佢自己行左去舞台o個邊,遠望o個度d人同埋d狗!重走埋去睇,咁既然佢都無心去排隊買飛,我都無唔需要再咁緊張!所以去左CitySuper睇野!佢打黎,問我o係邊,話我想去邊就去邊! 其實係因為我見到佢漫無目的咁行,佢都唔緊張去買飛,無諗過會無哂飛架喎! 我覺得佢都無心去,咁我都無必要咁緊張!佢反而繼續發揮佢o既本息,發脾氣了! (預左) 我都已經無佢咁好氣了! 對不起...once I give up!我不能再忍受了! 他的脾氣大得很! 自己己經是遲到n咁多次,每一次都返過來發我脾氣! 呢個case經常都會發生,每一次嬲完就算,諗住既然出到黎,無謂攪成咁,但一次,兩次...呢2個星期究竟遲到左幾多次?? 佢重可以一句 "慢未慢囉,駛死咩?" 係呀..係唔駛死的..不過無人會接受到對方經常遲到,漫條斯理,而且反過黎發脾氣o既人o瓜! 夠啦...我都唔想再講,亦都唔想"所謂的"教訓你了,你自己都要爭氣一點吧!尤其是要控
制一下你的脾氣!

我唔係玩你,攪成今日咁,出長水遠出到黎都無得去睇戲,我都唔想的!