~續~

食完飯...佢拖住我去海灘散步!我好欣賞佢呢樣野,至少佢都會諗到去行沙灘...好溫馨! 我地咁耐以黎,都無試過特登去行沙灘...之前都只係因為經過,或者係去一天團,沙灘係其中一個景點,但我地真係未試過2個人去沙灘漫步! 佢o係沙灘度問左我一個問題, "你鍾唔鍾意靜?" 我答佢.."麻麻地啦,間唔中都可以,但成日要我好悶..我唔得架...因為我鍾意多姿多采o既生活"

(Kevin..你知道我呢一句其實係有意思嗎? 我覺得..我地2個一齊生活真係有d悶...可能你係偏靜的,所以從來你都無提議去食行沙灘,食燭光晚餐,或者去o下離島,上山頂睇月光,我唔係話你唔o岩,只係你無咁諗過o即,你無錯,只係性格問題!不過每一個女仔都鍾意男朋友帶自己去一些浪漫的地方,會tum下自己!呢d係拍拖例牌o既節目吧!一對情侶去浪漫o下都無可口非,對嗎?)

佢沿途停落黎,攬住我,o個一刻我好唔開心,唔知點解我忍唔住喊起黎..o個一刻...我感覺到..我同佢..會唔會就咁分開呢? 我地...究竟會唔會有將來? 心..好痛...淚水...不停的流...! 我好怕..!真係好怕... 開頭佢唔知道,但當佢o係我耳邊講左一個 "我愛妳", 我又忍唔住喊,佢錫我對眼時先發覺..我喊緊..! 那一刻..好唔開心..好痛...真係好痛! 成晚心情都唔好,無心機,心不在焉!其實佢都有察覺到...!

在坐小巴出去時,佢拖住我隻手!我一路望住佢隻手...我好想喊...!

出到銅鑼灣,我地食左甜品,之後就要返去! 等緊巴士時,佢話.."你小心d啦,今日咁早,我唔送你返去啦!" 心情...沉下去! 可能因為自己整晚都唔開心...所以希望佢會主動陪多我一陣! 既然佢都識得講今日咁早,咁點解咁早都唔會主動送我返去,寧願自己返屋企? 今日係星期六,聽日又唔駛返工! 十點幾係早,但早就唔可以送女友返屋企嗎?加上既然咁早,佢送我返到去,都只係十一點幾,佢坐巴士出去,返到屋企最多只係十二點幾!有時,唔一定要夜過十二點先可以送女朋友嘛? 夜了送女朋友返去,是一種責任,怕她會有危險!

但不太夜時,間唔中送女朋友返屋企係鍚佢,想佢覺得幸福,對嗎?(即使有時十二點先返去,佢都唔一定會送!) 我亦都不是野蠻,如果佢第二日要返工,我從來都唔會叫佢送我返去! 只係間唔中o即? 間唔中都唔會做,我真係睇唔到佢有幾錫我? 心情再低沉下去...

我地o既感情越黎越唔樂觀!