連個日記都要同我作對, 好唔開心, 打完一大輪野, 唔小心del左. 都冇心情打. 返到黎香港, 我只係覺得你只顧自己家事, 我d野又唔理, 答應過我既野又冇件事, 我嬲你又好似係我錯咁, 真係好心淡. 如果你對我家人好似我對你家人咁上心就好. 不過我知無可能. 就你, 已經就得好緊要. 連我老豆生日我都幫你吹水話d戲飛係你買, 我都唔敢講話你根本冇心想同我老豆食餐飯. 星期6已經唔洗去舅父度食飯, 本來我真係好想開口叫你陪我出去同老豆食飯, 不過我見你阿媽煮左湯就冇出聲, 而你, 亦都咩都人情世故都唔識做. 返到黎香港第2日就話去你屋企食飯啦, 你都冇咁既自覺, 仲要有一日話, 你已經好多日冇係屋企食飯. 我呸. 你陪屋企人出街食都叫冇係屋企食. 仲有, 上次我黎到, 你係度打機你已經認錯而且話下次我黎會陪我唔打機, 不過琴日為止又係反口. 一食完飯就打機. 我話明知我都冇得玩, 就唔好打啦. 打少日. 你仲同我講, 不如比我打, 你唔打. 我唔知仲咩一定要打機囉. 屋企都有好多野做嫁. 你話陪屋企人, 但自己係房打機. 你老豆一個又要哂衫, d碗又冇人洗, d文件落口供既info又未搞好, 仲問我仲咩係出面連大結局都冇睇. 都唔知你係佢地個仔定係我係佢地個女. 做野唔緊要, 至少你比我見到你對我尊重同埋愛鍚, 咩都抵哂啦. 你有咩? 又話食完飯一齊去行下, 之後就話你一個人落街買野好快姐, 到最後咩都冇做. 屋企野你唔理, 答應過我既野冇做, 我見到你真係火都黎埋. 你仲好意思話我好唔彩你? 而家係香港咁多野要搞, 你卻掛住打機, 係英國仲打唔夠咩. 我鬧你都嫌口臭, 慳返啖氣暖肚好過.

你嬲由你嬲, 就係你對我既態度=)開心死.