短短既時間發生左好多事. 呢2,3天都好多野擔心. 不過我希望經得起考驗=) 其實做錯左, 最緊要有屋企人既關心丫, 難得個個都咁齊心幫助大家, 值得開心既. 有個機會去錯, 去發現家人係美好既都真係唔錯嫁. 我雖然唔敢唸如果件事發生係我身上, 我仲有冇命留係呢個世界上, 我唸我多數比人趕出家門多. 之後老豆又會嬲我, 阿媽又會嬲我, 個個都會比面色我睇..lol 不過, 我既屋企人, 至少都做到最低要求, 就係供書教學. 其實佢地都真係對我好好, 關於學業既事, 佢地一定無限量支持嫁-0-不過學業以外, 其他免問啦.

好似公公件事, 對我黎講都係一個心結. 我之前打返電話返香港, 有提過不如一返去, 叫老豆帶我上公公墓前拜拜. 因為我個心真係好想好想咁做. 不過我阿媽第一句就話, 下, 唔洗咁緊張下話, 求其去佛堂拜咪得囉. 其實聽到都真係幾唔開心. 原來呢個世界上冇人明白我. 我成日都發夢見到公公, 係舊屋, 係老人院, 又夢見過佢變鬼, 我好驚.....又夢見過我同佢飲茶, 佢2月同我講既最後一句說話仲係我腦海之中, 佢把聲我仲記得好清楚. 我又夢見細個老豆阿媽返哂工, 放左學冇人理, 係阿公煮飯比我食. 我仲記得佢買定汽水同西瓜放係雪櫃, 我記得細細個係佢大排檔食野等返學, 好多好多回憶. 佢話過會等我返黎, 最終都等唔到, 我亦都見唔到佢最後一面. 你地知唔知, 我果陣返唔到去見佢, 我個心有幾難過? 呢個遺憾有幾大? 我唔返去只係體諒父母辛苦賺來既錢, 因為對你地來說根本唔值. 咁既然唔係自己既野, 我真係唔想開口要求. 不過留係心入面果種痛苦, 真係冇人知. 仲成日日有所思, 夜有所夢..唉

我點會責怪父母呢. 其實我個心真係好掛住佢地. 不過我太知道佢地心入面唸咩啦. 其實由細到大佢地都冇咩唸過我感受, 我都唔覺得奇怪. 相反, 其實我好感謝佢地, 佢地至少比左好既生活我同埋學習環境我, 我仲要求咁多仲咩丫.

就生日啦, 越黎越覺得自己既出生冇咩意義. 我唸我最大既意義,就係重視別人多過自己. 我由細到大都安慰自己, 因為我5月尾就要考試, 所以d人掛住溫書先唔記得我生日..哈哈 咁樣個心都好過d丫. 好似而家咁, 我又係咁安慰自己啦-0- 仲有一日啦, 你會臨急抱佛腳做d咩出黎呢? 我怕驚多過喜.........一個什麼都冇預備過既生日, 有心意極有限啦..哈哈. 求其有餐飯你食都偷笑, 分分鐘佢仲要問你一句, 你想去邊度食=)..到其時我會痴線.....

聽日金蘭走啦, 佢就好啦, 可以早d返香港. 我捱埋呢幾日啦. 捱埋去有好日子過.

今日聽到細細妹同我講, 話當我親家姐一樣, 我真係好開心. 大細妹我都鍚, 因為同佢差唔係好遠, 但佢有男友鍚, 細細妹仲細, 令我好有保護慾...lol. 希望我唔好咁早死啦, 如果唔係冇人理我屋企人嫁啦...哈哈

明明鬧完交就算啦, 我m到, 心情唔好, 隔左2個鐘仲要無啦啦拎出黎串, 咁小氣, 快d去死啦. 比d好日子我過都唔得. 咁多人係度都唔叫我做, 死都要我做先得咁. 話唔做又要比人鬧. 咁冇心情做你咪叫第2個幫手做囉. 何苦要迫我呢/.救命

仲有22小時55分鐘到我生日啦. 糖糖, 好緊張啊-0-但生完日就到死期...lol搞野