15/2　情人節翌日

今日都好開心，好似情人節既延續咁：)
因為，今晚睇ｅason concert呢～＊

今日係星期三，我媽媽係ｄay off的，
不過，
我又唔想自投羅網，比佢鬧，
所以ｌunch無搵佢食晏..he..

放左工，因為肚餓，
所以六點鐘就已經0係仙跡岩吃緊飯，
食完飯，就搭車出去了，
去左ｍｋ先，因為要幫我媽媽拿野，
因而好趕，
搭左小巴去紅堪，但後來落車時發覺好似唔經紅館，
０..搭翻的士～

整體黎講，個ｃoncert都唔錯，不過未去到精彩既地步，
因為無ｅncore呀..
全晚ｅason既服裝都唔錯，幾襯佢，
佢好襯戴帽～
ｄ dancer都幾詭秘，
真係要讚佢既唱功，全晚一直都唱，無咩停過，
但可以唱得咁完美無暇，勁呀～

第一首唱左浮誇，正，
不過之後一連唱左幾首歌我都唔識呀～～～
同埋只係請左ＥＯ２做嘉賓，唔吸引呀～
不過氣氛好好～
雖然唔係４００飛，不過都係２００既第三行，都幾前嫁喇，
越黎越鍾意睇演唱會，
氣氛真係好正，全場人幫佢打拍子，揮動熒光棒，好ｔouching，
每次睇演唱會，我都覺得開場係好感動，
萬人期待住一個人出場，真係好感動～

全晚，覺得佢唱1874同綿綿最正，
快歌都好正～
抵睇～

十一點鐘就完場喇，ｅason仲走得好快添，
一枝箭咁標走左，
全場人勁叫ｅncore，我仲以為佢會出翻黎，
但點知已經播放完場既錄音，
不過，ｄ人都唔肯走，
直至播第二次，ｄ燈又開到史無前例咁光，
示意唔會出黎ｅncore咁，ｄ人先真正散水，可惜～

好累好眼訓，
ｂack左佢到，拿翻紮花花走～
爭你一個出前一丁囉..～