上個星期我完全崩潰﹐事源就係上星期日俾老細話我做嘢唔掂之後﹐我做足150
%俾佢﹐由我一返工直做到尾。就係呢150%我連其他嘢都搞垮。

原以為自已以前讀書時曾經好辛苦咁做好多嘢﹐點知只不過係而家要求的50%。要將自己响一星期內突然提高150%嘅效率﹐簡直就迫死咗自己。

同一時間有好多嘢發生﹐又學校果邊又感情方面﹐每日就係放工後仲有好多嘢煩好多嘢諗。仲要係好多令自己好唔開心嘅問題﹐或者係自己做成嘅結果﹐要自己去面對番。好似就係將自己响一星期內變成另一個人。

星期六嘅事情﹐我唔想搞成咁。我收到一個email令我好唔開心﹐一封從未有咁多感觸嘅email。我只係想等我呢星期可以settle晒所有問題之後就同你哋講。唔好擔心﹐我已經開始適應到呢種高壓力環境﹐好快會同你哋講清楚。

呢種150%工作效率我會繼續﹐只有咁我至會真正去到一個做到嘢嘅人。

咁至會令你覺得我可靠。