仲有幾多人會睇呢? 你哋留個言俾我啦﹐不過都唔緊要啦.......

兩個月前開始搞個friend的婚宴﹐整整兩個月就冇停過咁﹐星期一至五9-5pm就係返上環﹐收工就去又一村幫手﹐一起就出去食飯﹐星期六日就去鋪頭做。一星期7days 咁做嘢搞到自己都傻埋。

不過最精彩就係三月二十號之後呢段時間﹐竟然發生咁多事情係我完全唔expect會出現响我身上。不過尋日之後﹐睇清楚自己的要求﹐或者可以輕鬆d。

究竟我去鋪頭幫手對我係好定係壞呢? 根本就冇人可以保證﹐正等於我出去搵其他工作一樣。朋友的擔憂我當然知道﹐但硬係要我跟你哋的方法走﹐對唔住﹐我唔會。

你哋俾我的感覺就係去鋪頭做就係冇出息﹐學唔到嘢。但我只可以話你哋唔了解實際情況﹐學到d乜嘢其實都係靠自己﹐你話俾我知你哋呢五年又有乜嘢得著?

你哋埋怨我乜嘢都唔講﹐其實我一早知我講出嚟你哋會有咩反應﹐你哋唔會去從我決定的角度去諗﹐你哋只會跟你哋行過的方法去同我講。我討厭去跟別人去plan我自己的人生﹐this is my life and should obey MY LAW, not yours!

工作工作﹐一生的工作其實金錢之外就係睇吓你做得開唔開心。我而家搵到一個環境係我開心的﹐我就會去行。我行錯﹐唔緊要﹐我開心過。我跟你的方法去走﹐而我最後發覺都係唔岩我﹐我可以去小你咩?話你的方法冇用?

我條路就由我自己定﹐我固執﹐但我抱住的thought就係我唔會俾自己退步﹐同埋我望返轉頭我可以同自己講我做過d咩嘢係令自己難忘或者proud of。我相信呢樣我而家俾你哋多好多。

Walk my own way is the rule of my entire life。你哋心意我完全接受﹐多謝﹐but don't force me to do anything。