睇左Jill本新書<< Reborn>>
呢本真係要推介，唔經唔覺過左兩年，自己唔算fans，但兩年來每當見到janice都不禁想起jill，唔知佢而加點，事業就咁完蛋真係可惜.早幾日睇完佢電視訪問，感覺脫胎換骨，面對以前事，唔會閃縮，亦唔會鏡頭前俱聲淚下纖悔，即有買佢本書衝動.有人認為呢個時候出本書係咪想為再戰娛樂圈洗底舖路，那些人應該認真睇下本書,成本書內容好正面，將佢經歷講出，feel到佢係想以過來人身份叫人唔好吸毒及鼓勵跌倒人，feel到佢真.欣賞Jill O既勇敢同改變，請加油，一定十卜你!

另一本＜＜不抱怨的世界＞＞，呢本hea睇左好幾個月，早幾日前終於睇完，雖然有D悶,不過講D野好好,買呢本書陣仲係做緊對上份工，當時好多怨氣，所以先想睇，睇完諗返成件事，諗諗初初做份工陣都唔會咁反感，後來開始跟同事呻，其實大家因為呻先開始熟，大家lunch 都係呻公事佔大部分，漸漸越越陣，越越討厭老闆同阿姐，所以抱怨太多唔係好事，經常與抱怨人一齊都唔係好事，而加冇做,同之前同事都冇再點聯絡,原來當時我地只不過靠呻來維繫而已....而加D 同事偶然都會呻公事，自己盡量控制唔講太多，聽完就算，唔可以好似以前咁,試試挑戰21日唔抱怨.