當你係朋友,同你講最真最直接o個句,覺得有唔妥,想話比你知,唔想盲目符和你,亦都唔想敷衍你,所以講出我o既觀感,講之前我都有諗過你受唔受到,但最後點都想你知道,因為有時見你鑽牛角尖自怨自艾睇唔過眼.....我都知你大概嬲左我,已經唔係第一次....

成日覺得人地對你點點點,點解佢地o甘對你....但有冇諗過當初點解搞成o甘,鬧反和好鬧返和好,點解鬧反完好返後,都唔珍惜你地之間友誼呢...以前你地每一次鬧返,都覺得你地一定好得返,漸漸地我開始明白佢地感受,慢慢地我都開始有放棄狀態....感覺像一個地雷,唔知幾時踩親爆炸...

我知唔o岩聽,你實有一堆埋由反駁我,證明你是對的....之前都話你太自我中心,唔記得你有咩反應..你想想次次傾計,都係你講你自己的,我唔開心時你會問候幾句,然後又講返自己o個d...事事都lai到你o個兩個朋友,然後又再講佢地對你點點點....好似你眼中只有你o既事....安慰說話講過無數次....次次都聽唔入耳,有時候自己已經唔開心反而仲要安慰你,我都會支力ga!

之前你祝福我同怪獸真係好感動,點知又搞成o甘...

萬一你睇到呢度,萬一你唔開心sorry...但我講左我應講,以後你中意點樣就點樣吧.希望你開開心心,過去左就由佢過去,繼續向前,你自會識到其他朋友.