這就是聖馬可中學舊址,之前好想去呢度影相,但太多野顧慮(驚撞鬼之類)一直冇去,最近跟朋友說起,大家都有興趣,計劃去o既時間,聞說清拆工程已開始...於是自己先去看過究竟,是真的......只好o係外面影2張...

如果早一個月去,工程未開始...很遺憾,冇把握時間,又錯過了...雖然係一個凋空好耐o既廢墟,加入塗鴉,久而久之已變得一個有特色o既地方,要拆真係好可惜,而加只可以睇人地d相...教訓係想去就要爽快去,想影就影,蘇州過後冇艇搭...

另一件關於友誼o既事,因為約影相跟一位朋友聯絡返了,其實我早就發現佢o係fb 已delete 我了,msn好耐冇online,大概一係換了acc,一係block了我,曾經講到心事的朋友,自己冇做咩得罪佢,只係一個唔主動搵朋友o既人,跟她相處感覺佢對"朋友"定義要求好高,大概我不符合規格給叮走,她有權這樣做的.直至再見佢online就係提議去影相o既時候了,之後如常見她online,怪怪的,好難唔令我亂諗...最近忍唔住問佢點解delete我,佢o既答案比我感覺像扮傻,但我唔係傻的.感覺像比人掟了入雪櫃之後又覺得你有點價值就放你出o黎o甘!我不喜歡這樣的友誼!所以還是有緣再見吧!