最近公司無聲無色地炒了兩個同事,兩位都很nice,其中一個好勤力,好意外…憂慮又開始了,其實做呢份工開始憂慮根本冇停過,當老細交帶將來要做o既工作時,係會短暫帶來安心,但當做左o既野冇人理o既時候,會開始懷疑自己o係呢度o既價值有幾多.越o黎越覺這裡沒有安全感,,加上最近真係冇咩作為,老細也懶理,大有可能係下一個.

呢期發夢都同工作有關,夢見自己又想唔撈去見工.尋晚真的夢見自己被炒,跟同事嗌交,夢入面感覺好委屈,喊…紮醒,自己真係喊緊,個夢好真實…好恐怖.想得太多…

今朝返工聽西崎公園,原來係最後一次了….原因都係因為金融海嘯,習慣星期六長周返工都會聽呢個節目,jessie o既感想總會令人有得著,佢諗野好正面,次次聽完都好似想通了.可惜唔可以再繼續.最尾o個段總結感動到忍唔住想流淚.

要跟jessie一樣要正面d!做好本份之餘都係要積穀防饑,執好份portfo以備不時之需.