11月23日係yanni同佢老公大日子,恭喜晒!

佢地o既婚禮簡簡單單,冇姊妹兄弟,冇接新娘,唔洗玩兄弟.雖然唔係我結婚,但呢次婚禮真係好難忙,可以用搞笑o黎形容.首先因為化裝師化耐左個妝,搞倒佢地差d遲到,見佢地真係差d係跑住o黎註冊.因為遲左少少,個儀式要進行得好快,好快就趕人走,場面都幾混亂.

本來答應做影相婆,人手短缺,做埋助手執執頭執尾,我又騰雞,好lei hea!忙住影相同執o野,感受唔倒感動o既氣氛呢.

當日o既yanni好靚,完全唔似返工o既佢,本以為做新娘看似好開心,原來著住件婚紗係好辛苦...本身仲病緊o既佢仲辛苦,見佢註完冊一輪已經開始木無表情,笑容彊硬,件girdle緊到令佢嘔左幾次...我見倒都心痛,何況她老公...後尾舒服d o既時候就改去附近西九長廊影左陣相就結束當日o既行程了.而yanni 就慘,返到屋企真係暈低左....

當日我帶左5部相機,真係有夠癲痴!當然係兼顧唔倒,拎部幾部相機成個傻婆o甘.只係想幫yanni留多d回憶.事前練相機,但全都不管用,時間太迫,冇時間可以諗點影,最尾全部都係較auto,但求張相唔濛就好.好彩佢地最尾有請攝影師,人地始終專業,指意我就死la.影左好多但滿意o既就好少,吸取左經驗,o黎緊星期日有得影,要做好d. 對腳痛足兩日...不過真係幾好玩.

簡嘉欣同李嘉欣都同係呢日出嫁,雖然排場差天共地,但當我親眼見倒yanni 老公o個種體貼,相信簡嘉欣o既幸福係唔會輸蝕比李嘉欣的.祝福佢地甜甜蜜蜜,白頭到老!

呢張好sweet~

呢張幾苦...
 

 

帶頭紗的滋味