結果我都係遞信了,o個日大家都好忙,chur到11點幾走我都係第一個走,其他人仍然繼續,勁!病左o既一位同事都要比人call 返o黎做野....唔明佢地,為一個pk老細o甘賣命,大家好似好怕佢o甘,又可能佢地人工高要忍受.

返埋第2日星期六半day,請左2個鐘假去見完工先返,開頭用左小人之心度君子之腹,以為佢會玩野遲d先出糧比我,點知臨一點佢就比票我而且冇扣我請鐘錢,仲叫我可以走先,算係o甘,最尾我都係堅持做埋手上份野到4點幾走.臨走真係勁開心!

都想同sa姐姐講sorry,我eq低,呢幾日同佢講野d語氣好差,佢仍然笑口噬噬,都唔知話佢假定eq高,明白佢都係受老細壓,亦覺得佢可能係怕年紀大會冇左份工所以下下都逆來順受.唔想老左好似o甘,要好好增值自己.最尾都發現有同事都覺得呢間公司好有問題,祝佢地好運吧.

脫離左開心過後就係擔心,個市o甘差...呢幾個月轉o黎轉去,越轉越衰,可能係成日轉工o既報應,好難搵份十完十美,唔辛苦o個d又唔係自己想做o個d,到搵倒自己想做o個d又超辛苦捱唔住.接受現實把la,下一份但求唔好o甘癲,有工放就可以,想畫野,都係留返放工先畫好了.

希望自己eq高一點,唔好再頂撞上司老細,有朋友講得o岩,有本事o既人先有資格頂撞老細,冇本事唯有要忍.