晨早起身過炮台山參加Connie o既洗禮儀式,本身冇信仰,但connie"邀請"得,我地都要比面出席,就當同garfield,winnie聚舊.乖乖地呆坐冥想左兩個鐘...除左我地冥想,發現台上o既神父,唱聖詩o既人有d都間中洽眼訓,原來大家都係平常人je.之後跟winnie garfield食日本野,下次再聚!

跟她們分別後再行去維園會合大佬仔一齊去花卉展,唔係太好天但好彩冇落雨.人頭湧湧!想影相都要爭取機會攝位.人們各自拎住自己相機,大機至手機都濟濟一堂影影影.而今日帶左holga 同 新成員genie,亦出動了早排買o既魚眼鏡頭.奇怪今日全日都撞唔倒有lomo友.

全場最靚莫過於係鬱金香花海,真壯觀,好似置身荷蘭o甘.不過可能花展開左成個星期,有d 花都開始霉霉地.

之後再行去timesquare 睇幾米展.冇睇幾米好耐了,市面上充斥左好多畫功好靚o既插畫家,漸漸地我已經遺忙左幾米了...但今次展出o既係真跡,感覺同書本睇到o既好唔同,大大張o既畫比書震撼得多!

行完再落荃灣睇高達.充實的第3日復活節假期,好支力!明天要留o係屋企大休.

今日先post一些genie相上來.發覺影紅色物件係好搶,鮮到成pat野o甘,同埋影出o黎o既花一撻撻冇晒 detail.

遠處有b女,真後悔冇帶仔仔獸出o黎.

花海