Unimited少少感想

今次隻碟真係正,係我心目中2006年度o既至尊大碟.第一次聽已經覺得首首d旋律都好好聽.大部份聽左一次就已經愛上,再咀嚼埋d歌詞,正到爆!係近期難得一隻碟覺得首首都好得,首首都可以plug!隔左成年幾先再出碟,可以話係慢工出細貨.唔會因為轉公司而出行貨.歌詞全部都係林夕填的,大部份感覺都好正面,可能係千嬅想帶比大家o既message.就算感情上冇著落都要快活做人.

吻所有女孩
第一首歌,好輕快,小周作的,rock rock地,好周國賢,尤其係呢句”如若還有這麼多愛讓我捐給知己與及自己” ,一o黎就好硬朗,烈女o既延續,總之就有型格!


她成功了他沒有
呢首勁ar!旋律簡單,黎黎去去都係o個幾句,如果齋聽旋律會覺得悶,但如果聽埋d詞就會覺得好勁,由頭到尾都係講緊一個故事,成首歌詞冇重覆. 故事開頭很溫馨,一對情侶初初有共同理想,很開心的,漸漸因為生活,金錢問題開始有分歧.大家最終分開左,女仔成功達到理想但冇左愛,男仔理想達唔倒,但佢搵倒另一個愛佢o既人.好無奈.如果千fa要唱live,一定記唔倒歌詞.

毅行
第一次聽覺得呢首歌好何韻c, 娃鬼回魂feel,但講d野好勵志,好烈女!大佬話唔係好o岩唱,但我覺得唔係ar,試o下呢d有新鮮感.

水月鏡花
小城大事電光幻影feel o個d悲歌.好有感情,但我要聽多幾次先會鐘意.


大傻 &我的生存之道
越聽越鐘意呢兩首,聽完個人好振奮,比毅行較為輕鬆d 又有少少勵志歌.唱出千fa 生存之道.我都要好似大傻o甘,就算冇$都要過得開心.

亦舒說
個名已經好吸引,基本上成隻碟d歌名都好得意,唔知係咪全部,大部份都係參考亦舒d作品.呢首又係d失戀自強歌.中間o個段聽一次已經記得.

芬梨道上及我只能跳舞
總覺得呢兩首感覺好似,會當佢地係同一組,可以高貴優雅成熟大方o黎形容,千fa o既歌越黎越成熟&有女人味.芬梨道上講山頂夜境,少有o甘高音.初初聽覺得悶,但越聽越喜歡!

如果可以不停相愛
開頭幾句又係聽一次就入左腦係O甘.簡單道出人人都期待o既愛情.

郎來了
好耐之前聽唔係o甘like,首歌開頭同中間好似唔match o甘.但今次個版本好聽好多,成首輕快晒,夾d.重身再喜歡上呢首歌.