好感動的一套日劇.真人真事改篇的.

出身小康之家,讀書運動叻,樣又靚(佢真係好鬼靚)o既開朗少女亞也,原本有著燦爛人生,無奈地15歲那年不幸地患上不治之症─脊髓小腦變性症,身體慢慢癱瘓…個病慢慢地剝奪佢重要o既o野,唔可以再打藍球,正在萌芽o既愛情亦被摧毀,夢想不能實現….很想成為幫助倒人o既人,但樣樣野都要人幫,覺得自己好冇用,內心好難過.點解要揀中佢…

每睇一集,佢病情惡化,唔忍心見倒o甘.好彩佢屋企人,同愛佢o既男仔對佢不離不棄.佢媽媽真係一個偉大的媽媽.亞也好堅強.

睇完確係好感觸,久久未能平伏.亦都給自己反思,如果我係亞也會點?我相信唔可以好似佢o甘,我可能只會自怨自哎,將一切發洩係屋企人身上,如果可以安樂死,會揀死.而亞也呢,佢會接受而加o既自己,活在當下,盡可能生存到最後.亞也並唔係冇用,佢日記帶出o既訊息感染好多人,當我第時覺得無助o既時候,以為自己好慘o既時候,一定要諗起亞也,要好似佢o甘堅強!

仲有,要好好珍惜擁有o既o野.當你仲有壯健身體時,做多d想做o既野.免得日後後悔.值得一睇,尤其係那些不懂珍惜生命的.


個女主角好靚,笑起上o黎有d角度似友阪.