睇左無痛失戀,雖然好多細節唔明,但都明成套戲意思想講咩.幾得意o既戲.

一對情侶相處耐左發覺乏味,掙拗多左,只會見倒對方o既唔好.女o既決定洗腦,
將唔開心o既記憶刪除,已經成功將個男仔忘記.男o既知道之後亦都想洗腦,忘記
對方.o係洗腦過程,先會勾起一段記憶,然後再將佢刪除.一段段回憶就係o甘o係
腦中出現,開頭係d唔開心o既,漸漸有好多開心o既,個男o既亦都漸漸從d開心回憶
發現個女仔o既好,唔想再洗腦,唔想忘記佢,逃避洗腦程式追蹤.最後都係洗左……
大家都忘記左對方.

可能係緣份,後來佢地再o係之前認識o既地方再相遇,再重新認識,後尾知道大家洗
左腦呢個事實,能唔能夠再走左一起就冇清楚交代.

但我相信會再一起的.當佢地知道因咩事分開,再開始過會知道點樣相處.一段感情
有開心有唔開心,都係感情一部份,當氣憤時只會睇倒唔開心o個面,唔會諗到開心
o個面,就好似佢地洗腦前講對方都係d唔好o既,o野o甘.

洗腦真係好咩,除非唔會再見返呢個人,如果再見返,再墮入愛河,日子耐左又會重蹈
覆轍,到時又再洗腦咩.最緊要知道自己衰o麥o野,先知道日後點樣相處,原來係要互
相包容遷就同溝通. 當激氣時候都試o下對方o既好.