幫襯弟弟o個間學校整頭髮.開頭以為o個度d人會係串串貢o既死o靚仔,弟弟o係o個
度會唔會學壤.今次見倒一部份o既同學仔,咩人都有,有男有女,有大叔有o靚仔.間
野細細地,都幾多人幇襯,好迫.3點上到去,等到差唔多4點先輪到我.弟弟幫我整
high light加底色.佢d技術好生疏,整得好慢.後尾要2個人夾手整我個頭.到8點終
於搞掂.呆左.

由於揀錯色,效果同我未整之前差唔多…枉我坐左o甘耐.算la,當睇下弟弟有冇認真
學習.佢做起上黎都幾認真,唔識o既時候真係會請教人.比平時自大o既佢收歛好多.
d同學仔好好,好肯教佢.呢度可能係學校,大家都係學野,感受倒佢地之間互相幫助.
出面d salon 係feel唔倒.

而加o既佢比之前o係赤航開心好多,如果當初冇走,會有好唔同o既景況.點都好,揀
左條路希望佢會好好行落去.

弟弟洗頭都幾舒服,值得一讚!