年三十,睇完喜瑪拉亞星食埋糖水成4點幾先去行年宵,都仲係好多人.冇o麥特別野想買,覺得年宵賣d野雖然係幾得意,不過好無謂.後尾廿蚊買左盒政治人物pair牌,因為佢送一個雞雞收音機.都係為左個收音機先買.
見倒雪人,一個同年同月同日生,n年前傾過o下o既icq 朋友仔,之前淨係見過佢d相都認得出係佢,因為佢都幾靚女o下.當然冇相認.

年初一,入新界bbq,ar爺走左之後,好似唯一一條維繫一家人o既橋樑都冇埋,入面好
冷清,以前年初一好熱鬧,好懷念...第日個個都大晒,組織左自己o既家庭,年初一仲可唔可以入o黎拜年?而加入新界就好似為ar mui而入o甘,佢肥左,好胃食.

年初二,去完婆婆度拜年,之後就去怪獸度,放棄左嘉泳佢地個拜年團,sorry...
我呢d衰女包,呢期好似過份得滯,怪獸成日都可以見,但bb佢地真係唔係成日
有得見,好唔比面,遲d佢地唔記得我係呢個表姐都冇得怨.

年初三,魔間行者,ok好睇,不過有d位都唔係好明佢講o麥.