餃子
唔恐怖,但係好可悲o既故事.
為左回春,留住自己o既老公去食胎盤餃子.
我地會覺得佢好傻,但係諗諗o下,而加後生緊係講得口響,
但人到中年o個陣都唔敢肯定話唔驚.
睇完套戲lorlor 攣,唔係因為食胎盤核突,而係
眼見個按摩女仔又白又滑,比我係梁家輝都可能會揀佢…
諗到呢度真係擔心.男人個個都係o甘,無論30,40,60歲;都鍾意20歲.
仲有miki比老豆搞大個肚又係一個可悲故事,都係d賤男人.
唔係唔想相信,但係真係太多例子,呢刻佢話好愛你,但到你又老又縐o既時候仲
愛唔愛…唔敢保證…
唯有獨立d,做多d自己想做o既野,唔好寄望o係一個男人身上,要老左望返轉頭都唔
好有遺憾,希望老左o既時候都仲記得今日講過o既野.

講返千嬅,雖然係個好大o既突破,變左三級女星.但係佢同個角色唔多match.個樣唔襯,佢把聲,小動作都
令人覺得佢係楊千嬅,有d位應該唔係笑位但係真係好笑.
佢戲路突然轉變o甘多,唔係o甘易一時接受得到
我諗佢拍呢套戲食餃子都食到佢怕,唔好忍唔住笑,NG左要再食過.