真黑仔.......
怪獸搵倒工,想佢開心d,著條裙同佢去街街,之前著過兩次都冇事,
今次就出事,甩裙事件,條裙越著越長,極端驚荒,好彩件衫夠長,
但係衫尾同裙頭只差一線,有冇走光唔敢再諗,仲要係返工時間...

學完畫畫有個ar婆扯住我個袋問我借$50蚊買飯食,o個刻覺得佢呃人,
食飯洗唔洗$50,扯返個袋就走左,好唔安樂,如果佢係真o既我咪好衰...
心情都唔多好.

搭地鐵有個肥仔坐隔離,佢有意無意整隻腳埋黎,都唔算好過份,以為佢
肥要多d空間,不以為意,後尾發覺佢好似啤住我,我望一望佢,真係啤住我,
好驚,落車先知道佢啤o麥野,好濺格,佢10幾歲,個樣好似d善良肥仔,估唔
到o甘濺格!!冇樣睇...feel倒塊面好燶,分唔倒條街邊d係好人邊d係衰人,
淨係唔想d人再惹我....

等到怪獸放工一齊去書展心情先好返d.買左4本都係狗狗書,仲有兩本好想
買埋,冇$,算把la,一次過買o甘多會唔安樂.