千嬅新碟,”電光幻影”個名好有懷舊feel. 不過英名叫”electic girl”就怪怪的,同期twins隻碟叫”girl power”,好難唔將佢地聯想埋一起繼而比下去 唱片封套好靚,千嬅個look好有女人味!

諗住買碟o既朋友仔請skip左唔好睇, 以下係我對呢隻碟o既子小小感受,硬係覺得呢d未聽之前都係唔好聽人地點講,自己第1手親身感受會好d.

初初聽都覺得ok,聽一次就覺得幾好聽係”煉金術”,”柳媚花嬌”,當然聽多幾次,咀嚼埋歌詞感覺
會好唔同.

“處處吻”, 其實o係電台聽,感覺都係一般,只係買左隻碟後第一次聽,對其他歌都唔熟悉o既時候,覺得呢首好有親切感!

“吵我”,好有beat o既快歌,好似”放煙花”o甘,一聽就覺得自己置身disco o甘.

“小城大事”,開頭聽幾悶下,好似d慘劇插曲o甘(就好似星仔走天涯,老鼠也移民…),再聽埋d歌詞,好慘,越聽越好聽.

“的士司機”,偶遇o既的士司機講起自己o既故事,歌詞好正:
” 是場遊戲 為何勞氣 做人認真只會苦了自己
別談自己 就談論大市今天算合理
是場遊戲 盡人事但到底都靠運氣 兒嬉有道理
嚴肅可致死 何必要 動真氣”

“煉金術” 一定唔少得k歌,呢首第一次聽就覺得好好聽,呢首真係very good!!

“電光幻影”,好似80年代電視劇主題曲o甘, 耍留意d歌詞, 不過到呢刻都係麻麻地鐘意.

”柳媚花嬌”, 好好聽,講男仔成日只睇外表,女仔為佢地要時時刻刻都要keep好自己個靚樣,好似輕快板o既”假使我漂亮”.呢首都好好聽.

“真愛開玩笑”,好似陳慧嫻,小恩子時期d歌o甘,而家聽有d娘娘地.
“偷吻杜魯福”,呢首都好好聽,輕一個人,朋友們拍晒拖,自己冇伴唯有晚晚睇杜魯福,雖然唔知杜魯福係o麥水,但係呢首好得意.

“明日之歌”.又係懷舊feel o既歌,天涯歌女又或者lisa姐時代都應該o岩聽.鼓勵人o既詞叫人唔開心o既過去就算把la,應要向前看. “難過雨天已不怕再面對,嘗過雨點明天掌握在手裡”

今次隻碟從封套個look至歌曲內容,feel倒佢多左份成熟,想帶d message比人,要細心咀嚼埋歌詞就會get倒佢諗d咩.唔係我hardsell, 今次真係好good!