再見喇吉吉…..
可能對佢黎講冇o甘痛苦,o甘諗會好過d.但係聽到呢個消息真係唔相信.
冇諗過,總係覺得佢會好返,只要捱過呢段期間就可以….佢喉嚨已經好
返好多,點知輪到隻腳…之前o個晚怪獸見佢訓到好冧,但願佢係o係睡夢
中安祥o甘離開.

買左個波仔係想等佢好返同佢一齊玩.上次唔記左帶入去,如果我帶埋
入去同佢講等你好返一齊玩,唔知佢會唔會再堅持d.雖然知佢好痛苦,
但係都希望佢會捱倒.

幫佢寫日記,紀錄佢成長過程,由佢病到好返到長大,第時睇返一定會覺
得佢好西利.寫左3版就冇機會再寫…已經冇左肥肥,點知短短時間內連
吉吉都冇埋…雖然我唔算係佢地主人,見過幾次面,但係到呢刻都釋懷
唔倒...就算忙o既時候,睇完笑片o既時候, 一靜返落o黎就會諗起佢地,
好多好零碎o既片段,甚至想像到佢地走前o個個樣...

呢半個月,佢地靜悄悄o甘黎,好快又走左…
搞成o甘都係因為我地,sorry…如果時間可以倒流就好…
希望你地o係第2個世界生活得開開心心,唔會再有痛苦ga la.