最近睇完呢本書,係講個德國細路不幸地患左癌症,
o係兩年間o既掙扎過程.寫呢本書o既人係佢爸爸.
好似日記o甘記錄左佢呢段其間生活,做過d咩治療.

cancer真係好恐怖,腫瘤,聽落去好似就o甘割左佢就
會冇事,但係唔係o甘簡單,佢會擴展,影響身體其他功能.
小雅各布,佢生活就係疼痛,嘔吐,發燒,化療,手術....
佢爸爸用盡方法,咩新療法都去試,都要救番自己個仔.
一時要以毒攻毒,一時又要隔離幾星期等等....聽都未
聽過.好難想像一個兩,三歲人仔要承受o甘o既痛苦.

可能佢細,唔知咩叫放棄,可能已經當痛苦係佢生活
一部份,所以佢冇放棄到,比一個大人仲要堅強.
掙扎左差唔多兩年都係要走...睇到後尾會唔捨得,
唔想o甘快睇晒,因為知道佢就黎要走.

人冇穿冇爛其實已經好幸福.當以為自己好慘o既
時候不妨諗o下小雅各布,其實自己o個d慘都唔算
得係d咩la.