唔同人既愛情
有唔同既開始
而我既開始
係一個問話符號

認識你個年係中一
你比我既感覺係一個問話符號
唔知點解
見親問話符號
我就諗起你
到左中二
冇一個男同學好似你咁鐘意偷偷望我
有次我錯手羅左你飲過個杯野黎飲
大家笑我飲左你口水尾一世聽你話
以後我故意同你頂咀,係故意架
我仲乜要聽你話?

中五畢業啦
你無端端問我
有冇幻想過將來
幻想裡面見唔見到你
我好快咁答:無
你個樣立即變成一個失望既問話符號

今年既舊同學聚會
你令我眼前一亮
冇諗過一個傻瓜既你
變成今日呢個人
佢地話你仲未有女朋友
我點會信?

個晚我發現左一個祕密
你偷偷將我飲過杯punch同你個杯換左黎飲
我個咀冇笑
我只係用我個心去笑

如果你遇我唔到
你估你揀個點樣既女朋友呀啦?