法國南部尼斯係全法國物價最高o既地方，好多法國人都鍾意黎呢度享受陽光與海灘。上集講到我同Cindy比一句”Buy One or Nothing”打敗後，即刻搭返火車返尼斯，連蒙地卡羅係咩景色都唔去睇喇～

尼斯間shop離火車站都起碼有十五至二十分鐘路程，我地又行行行，終於到達目標。今次我諗住先話自己無帶passport，睇下佢反應後先再決定。我同Cindy一齊入去，又係無人理我地。跟住我叫左個個樣好似manager o既男人拎袋比我睇，睇唔夠兩個佢已經叫我比passport佢睇，我先話I haven’t bring my passport，咁佢個樣就好不屑咁話唔比我買啦，我就同佢講話我可以出去拎返，因為passport o係我家人度keep住姐。佢就問我係咪好遠，我話好快返黎。我就扮晒野咁行返出去，隔左五分鐘再入去show比佢睇。佢check過都知我o係法國係new customer，所以個面口都即刻寬容左，話我可以買三件。買完後Cindy仲揀緊，咁我就出去等佢喇！Cindy原本都買得好地地，點知突然又係有個manager走出黎話佢只可買三個，好彩佢買倒三個都係大袋，所以都差唔多有€2000，叫做唔錯啦～

由於我地今日心身都覺得好疲累，所以都想搭Taxi返酒店放低d野，點知截極都截唔到的士。拎住兩大袋LV，覺得d人o既眼光都好似賊，所以我同Cindy有咁快行得咁快，好辛苦先返到酒店……本來阿Sam叫我地可以自己搭火車去康城間shop再試下買，但由於時間緊迫，所以都放棄左。黃昏時我地就搭成五個鐘頭火車出發去法國心臟地帶---巴黎！

經過呢幾日艱辛旅程，我同Cindy都開始對LV產生恐懼，我每次o係踏入LV shop前個心都跳得好快，真係感受到買野都有壓力，所以對巴黎呢站都唔抱樂觀態度。相反，CiCi同Sandy就越戰越勇，每次都滿載而歸，所以戰鬥力不斷上升！而Tammi同Sammi戰鬥力都開始下降，因為佢地同我地一樣，遇到唔少LV奇怪o既policy。總之，現階段開始每人都各懷心事，各出奇謀，務求盡快去到€20000啦～