看中醫就有如看面相, 一把脈, 所有病都被說出來

中醫問: 你係唔係好鐘意食蕃茄紅蘿蔔?

我: 係呀, 昨晚飲左蕃茄紅蘿蔔薯仔湯?

中醫: 多唔多食生果?

我: 多ga, 一日一個橙, 有時食多隻蕉

中醫: 你平時經期準唔準?

我:準ga, 但今期唔準呀

中醫: um... 你太涼了....... 喉嚨有冇痛?

我: 有呀, 不過我一星期食2次麻辣麵, 有d’慶’ lor

中醫: 你食的食物太涼了

我: 吓~~~ 辣椒都涼?

中醫: 係, 胡椒同薑的辣係正氣, 辣椒唔好食喇你

如事者, 飲了一劑超薑辣的苦茶

今天, 再去看多一次中醫

我: 醫生, 昨晚杯茶好辣呀!

中: 辣? 你連麻辣都食到, 幾片薑都話辣呀?

我心想:你片薑咁大塊, 仲要係落幾片咁多....

我: 咁真係好辣呀

中: 今次加幾粒蜜(祖)俾你

把脈時, 中醫: 今日好左d喇, 係唔係

我:係呀, 飲左之後好好訓

中: 好訓左? 但你個樣仲係唔夠訓wor

我: 好訓左好多哩, 雖然你夜訓, 但訓得好好

中:你好鐘意飲凍野?

我:係呀

中: 瓜菜生果都係?

我: 係呀

中: 你食d野太涼, 你個人又寒底, 唔可以食咁多涼野

我: 唔食蔬菜,我的腸胃唔好wor

中: 你食咁多咪又係唔好

我心想我唔食, 我點會瘦呀, 呢d先係纖維ma

中: 食少一半啦, 唔好食咁多

我: 咁仲有咩唔食得

中: 所以寒性你都唔好食咁多

我: 咁茶呢? 邊d茶得?

中: 你唔好飲茶葉茶喇, 飲咖啡啦

我: 吓, 唔好啦, 我唔飲咖啡ga, 有冇其他野飲呀?

中: 有, 飲水啦.... 仲有.... 好立克, 阿華田

我靜默~~~ 唔通我要做返小朋友, 飲阿華田????

我: 醫生, 咁我食少左菜, 食麥皮涼唔涼?

中: 你學人減肥呀? 麥皮都係寒, 冇瓜菜咁寒lor



haha, 竟然係中醫令我’的’起心肝戒凍戒辣, 但我都係忍唔到口, 第一步, 出街戒飲凍檸茶先

希望身體真係會好轉啦

星期六去抽血