昨日起身時已覺得頭暈了, 唉~~好歹都返到工, 一開始坐落自己個位就死做爛做, 只係一低頭就見暈, 食左車厘子乾好返d, 夜晚飲埋阿媽碗冬瓜涼茶,又肚痛, 行左一陣一坐低就見暈, 坐一陣起身就暈, 一直都要忍由坐到企那幾分鐘的變化.

夜晚去左唱k, 唔知點解又唔使俾錢, 哈, 點解呢?

今日起身就好暈, 暈到外面落大雨要出廳閂窗時企唔穩, 閂左窗, 唔理三七廿一咁撲返張床度, 嘩, 好似暈船浪咁, 浮下浮下咁, 打電話返去請假後一直訓到十一點, 然後去了看中醫, 樓下個中醫3點先有得睇, 走左過去另一個商場, 中醫話我暑感. 我量左血壓, 平時量血壓只是泵幾下, 今次泵左好多下, 醫師個樣比我更沉重, 佢話我血壓好低, 但又冇話點解同點解決, 返到屋企又訓, 訓到點幾鐘, 陸生話返來照顧我, 哈, 咪又係返來打機....

各自開冷氣, 訓到五點半打算起身返course, 唔得喇, 好累呀, 冇返到, 叫左eddy幫我簽到.

仲有兩份功課要趕, 有人話會出手相助, 但我都拒絕了. 功課係自己的, 都係自己做好啦..

好喇, 做功課, 唔好浪費難得一晚在家用電腦的日子.

唔好暈啦, 我寧願肚屙胃痛都唔想暈... 點解會低血壓ga? search了有關低血壓, 救命, 好多我好鐘意的食物都唔應該食, 點好??? 又唔可以浸泡泡, 唉~~