今日去左一個對我黎講好遠既地方---銅鑼灣﹗在我記憶中好似未去過呢個地方，一d似曾相識既感覺都無呀，哈哈~~我幾勁呀﹗自己一個人搭巴士再轉地鐵去架，都無盪失路，但係最後都係搵唔到恒生銀行，真係失策啦﹗但係我覺得我終於有番d方向感啦，以後唔駛靠男人啦，雖然我從來都無靠過，哈哈~~~~我最終都係去左sogo等...

今日識到好多新朋友仔呀，感覺好似我之前上人際關係副學咁，從新認識身邊既人，佢地仲係來自五湖四海架，唔知點解我就係想識d咁既人，總覺得自己現有既社交圈子太細啦，來來去去都係同學仔，同學仔同同學仔...識多d人都無壞呀﹗

嘩~~今日我諗都有三四十個朋友仔一齊玩Cash Flow呢個遊戲呀﹗唔~~~未玩之前諗住呢個遊戲同大富翁無咩分別，點知~~原來分別好大架﹗一來難玩好多啦，二來真係好似我地現實生活架﹗要代入遊戲裡面去玩....開頭我真係唔知點玩架，因為都係第一次玩，勁問我partner peter應該問銀行借幾多錢好？買唔買xxx好？點知佢叫我自己決定喎，感覺似畀人遺棄囉，我同佢一組架嘛~~咁樣對人都有架﹗唔~~~但係都知佢其實係用心良苦既，因為佢之前玩過，所以想畀機會我自己去玩，去感受下個遊戲個真意....遊戲過後，真係明左好多野，明白其實係社會上好多人都不停係個老鼠圈度轉梗(包括我)，每日只求出糧、出糧同出糧，但係始終走唔出呢個圈。明白自己唔可以再係咁架啦~~一定要走出去至得，哈哈~~係咪好有大志呀？其實漸漸覺得阿哥出黎做生意係岩架，之前我仲咁反對佢tim，係我唔識諗野~~對唔住呀阿哥…

我地0個組係第一組出老鼠圈架，又係第一組贏喎，好勁呀﹗全靠peter咋~~~佢從旁指導我，佢今日真係教識我好多野呀，佢把口真係好利害呀，唔知點解佢可以不停咁講野架喎，又唔支力架囉~~~如果我可以感染到d就好啦，其實我都好想我係d把口唔停既人呀，有d口材都好呀嘛....但係佢講野真係好有道理架，第一次識到d咁既人，連佢班朋友仔都係咁，講既話題都離唔開將來、退休生活、每月賺幾多錢，好有大志呀佢地，但係佢地只係22-23歲咋，已經咁老成啦...總之佢地就特別啦

我決定左用5年時間去達成我既夢想﹗畀人笑囉，過份呀....我一定做到畀你睇架﹗