成日都好忙，要幫手洗邋遢呀﹗今日細佬去左學車，細細佬又去左自修室溫書，得番我、阿媽同阿爸係屋企咋，所以抹窗洗地呢d粗重野梗係我做啦﹗我不知洗得幾乾淨呀，但係我自己間房到依家仲未執好呀，事關我唔識執野架，見到就頭痛....唔好理佢啦，如果有人幫我執下就好啦~~

Eman問我F.4數學補唔補，都OK既，我諗數學我都應付到既。之不過原來係男仔黎架，仲以為係女仔tim~~女仔會好d啦，男仔好唔聽話又懶喎﹗我之前補0個d都係咁，唔好理啦，佢搵我先算啦...

Gloria話聽日去買古巨基演唱會飛，問我同kelly睇唔睇，幫我地買埋，明明記得kelly話想睇架，點知佢話唔買喎~~唔梗要啦﹗我都唔好古巨基既。但係佢家姐同佢男朋友睇喎，d有錢人係唔同d既~

今年好想行年宵架，事關有朋友搞年宵攤位嘛，但係Kitty又要返工，小慧又約左人，Kelly又好似唔想去咁，都唔知邊個想去既？算啦咁，可能聽日會同屋企人行旺角花墟，而唔去維園啦，太遠啦﹗