曾經, 我都係一個對澳門政治冇乜認識既人
唔知立法會為何物? 因為細個冇乜呢方面既教育
見到阿媽嗌d樓好貴.. 我唔明點解
只係覺得香港d樓仲貴啦, 澳門太平姐
見到賭場越黎越多.. 受毒害既家庭越黎越多..
我只會怨呢個係澳門人既錯, 或者諗係社會大趨勢, 冇辦法
記得上屆立法會選舉, 我其實可以去投票, 阿媽狂催我搞選民證
我話唔投呀, 佢地都唔知係乜黎既, 投左出黎又關我乜事喎, 不了了之.
1年後... 歐文龍貪污案驚爆澳門社會
呢件事係導火線... 令我深深感受到... 何謂"利益輸送""官商勾結"
從此我開始會留意社會週邊發生既事情
我終於明白點解澳門樓越黎越貴..
明白賭場點解可以越起越多越旺場..
我真係好痛恨班商家佬.. 係澳門小城搞風搞雨
所以... 今屆立法會選舉, 我去左投票, 投左票俾我心儀既組別
希望佢地可以係立法會成為我既聲音, 為我提出訴求.
我唔期望區區幾個人可以係立法會做到幾多野
至少可以將更多真相話俾其他仍然蒙在鼓裡既人知道.
我知道民主, 社會平衡唔係一朝一夕可以實現既事.
但相信只要有理想, 有衝勁, 有肯實幹既人存在
民主, 社會平衡總有一天會達成.