今日好眼訓呀唔知點解~~~今日已經冇堂架啦,淨係上3:30~6:30既僑生國文,個生先悶到乜咁...我根本聽都冇聽過,只係度dreaming,dreaming再dreaming!唉,部衰衰電腦又唔得喇,又要搵鏗龍幫找我整整佢!~講下講下,我真係淨佢好多人情咁.....哈哈,次次電腦有事都要搵佢幫我修理!鬼叫自己咁唔好彩咩~~人地既都冇事,就係自己咁黑仔.講開黑仔,呢個星期真真係好倒楣下.....首先就係去迎新宿營時壓爛左手提個內mon,搞到要俾3000蚊去整....心痛死呀>.
星期三朝早8:10第一堂上"大學入門"點知因為電話shot 左,我又唔知連鬧鐘功能都shot 埋喎...結果當然係唔知醒,搞到9:00至起身,淨番半堂,所以就決定走堂,唔上就算啦,點知戈堂原來有份功課要交,老毛生先仲俾左26題變態既問題我地做....我因為冇番,所以冇得交,唯有聽日至交!夜晚做既時候,估唔到戈26題真係咁難,咁好正常唔就問學長啦.....但點知學長話叫另一個讀圖資既澳門女仔教我做!但我真係唔多鐘意戈個女仔,佢入到黎,問我邊題唔識,可以教我,我打死都話"哦~唔使喇,我做晒識戈D,聽日交左佢就算喇,得ga 喇,冇問題ga 喇,你番去啦"就係咁樣敷衍左佢番去!我想話,每個人都會有自己唔鐘意既人or物,有時候,或者真係我對佢有成見,但唔鐘意就係唔鐘意ga 啦...又唔係我想既,我就係接受唔到D講野嗲聲嗲氣既女仔!!可能係自己一直都係女校長大,身邊既都係女仔,大家早就習慣左對方....大家講野做事既方式都會比較直接豪放!...所以,我真係接受唔到佢..............天呀,求你唔好怪我喇!~