黎左台灣已經進入第三個星期喇,但之前既兩個星期日都冇去聖堂,如果俾媽咪知道又唔知會點樣對付我喇.好在由於前日要去學長屋企修理部電腦,繼而同學長一齊食飯,見佢點解食之前係度手指指咁架呢~~~~!?哦,原來人地都係天主教既.即時乜問題都冇晒,就叫學長星期日帶我去聖堂喇.

一直都以為學校入面個"淨心堂"係俾D衰人入去自己面壁思過或有人覺得唔開心,入到去會有修女or 其他人輔導你既地方!!點知通通錯晒,黎左天主教輔仁大學咁耐,搵極都唔知係邊既"天主教產物~聖堂"原來就係近在咫尺既淨心堂!OH~no...真嗚呼!枉我幾乎每日都會經過戈度一次....=="

一踏入淨心堂門口,我就有一種寒既感覺,因為門面的確唔靚.但我跟學長上到2樓既聖堂時,嘩~!個feel頓時360度改變,即刻有一種番到澳門既感覺,對四周既格局,擺設都感到好親切,好熟悉!~係整台彌撒當中,唯一仲未習慣就係溝通語言變左國語~!
開完彌撒,原本係諗住番宿舍訓教教架喇,但俾學長叫住,問我食唔食早餐,我就諗:"大佬呀,冇錢喇,荷包得番台幣100左右ja,番去扎緊褲頭訓教好過啦"點知學長話彌撒完左之後有包包食架,嘩,我幾開心呀,即刻留番低呀!

經過今日呢件事之後,其實我係想教育大家----千祈唔好為左一份早餐而俾我下星期日係淨心堂撞見你~!我想話俾大家知,我係因為自己既宗教信仰而去聖堂,並唔係因為份早餐~~~~呵^o^