星期六那天見了我的前男友，第一眼見到佢我真係好想好想攬到佢好實好實，希望可以好似以前咁佢會攬住我、錫下我、安慰我，可惜唔容許我咁做。雖然大家都已經無左個種感覺，曾經我都好嬲佢，幸好我依家仲可以同佢係一對好ｃｌｏｓｅ既朋友，因為佢總會係我唔開心既時候都會出黎俾我打下同訴下苦。證明左我地分手係岩架，我地做朋友比做情侶更簡單更開心。斷斷續續都唔知同左呢一個人拍左幾耐拖，只係知同呢一個人最後一次分手已經係半年前既事啦。

今日朋友問起一個問題，你會吃回頭草嗎？我毫不猶豫答左我會。呢一刻我真係好需要有個人不斷安慰我、不斷錫我。好似好衰咁，我好似已經無左自己既原則啦，以前一定係為愛而愛，依家只係有個人ｃａｒｅ我就可以。

一直不敢過問他與現任女朋友的情況，因為我怕。
直至今日同友人提起他，我終於知道佢地既一切啦．．．．佢依然無變一樣係咁風流快活、一樣係一腳踏兩船。佢真係咁大吸引力嗎？竟然個個女仔都會為佢．．．大概也是。我都係其中一個，究竟係好彩定唔好彩呢？