Week 2

已經兩個禮拜 la, 開始返學 la, 不過真係無聊到爆, 有兩科悶到我死, 同埋我都唔岩讀要背野 ge 科 ge, 記得 MGT 同 Introduction to Marketing 我都係得 C 同 D+ -_-“…好想 drop 咗佢, 但係就要煩有 d 乜野科可以 add 返 law, 小白又返咗去過年 wor, 都唔知問邊個好

返咗一個禮拜學都無識到鬼, 係有個西班牙仔 law, 但係之後都未見過佢 haha, 我仲要係諗住要 drop o個科 tim… 係我 roommate Kelvin 成日都有 d 鬼黎搵佢 law, o個兩個會跳脫衣舞 ge 法國仔係常客, 都有打下招呼 ge, 識 ge 都係返大陸人 law…

其實我都不過係返三日學, 有兩日 day off haha, 但係呢排都係日日返去上網, 好無聊咁就過咗開學 la, plan 下去旅行, 不過我 feel 到個勢我地係會去唔成 ga la, 一早就 plan 話去法國, 之後又話去瑞士, 跟住覺得唔岩時候去, 所以就轉咗去英國, 不過我都唔想哂錢去多次, 因為我轉機都係响o個度, 咁煩咗好耐, 又話去北歐睇北極光, 終於決定咗去希臘 la, 但係 weekend 又無得上網 check 野, d traveling agency 又唔開 wor, 乜都做唔到, 到星期一都唔知仲 book 唔 book 得切… 我都唔想呢十日假無野做…

星期二識咗台灣仔 “阿里巴巴”, 我地同小白加兩位大陸朋友食 dinner, 台灣仔好好人 ga 佢, 幫我地一齊 plan 旅遊, 不過最後都係無結論, 係知最後先一鑊過去哂係最抵 ge, 仲可以等埋我細佬過黎陪我歐遊~ 不過阿里巴巴星期五就走 la, 之前o個晚我地一齊睇 “疆屍叔叔” 勁無聊, 佢走我有送佢 ga, 不過係送到去 tram station law, 之後我就自己去咗 supermarket la~

星期六去搵機票, 不過都搵唔到平 ge… 去 China Town 買咗 d 野過節, 返黎o個陣搭車去到 Centraal Station, 架 tram 個車長勁搞野, 用 d 誇張 ge tone 黎廣播, 最後去到尾站仲整咗 d 勁搞笑 ge 聲, 之前 Gary 有講過 d tram ge 車長會好搞笑, 我都估唔到會係咁, 仲要咁都比我撞到, 但係太凍 la, 早 d 返屋企睇戲, 睇咗 ”小Q”, 但係我覺得真係好悶, 悶到我差 d 訓著咗

星期日我地諗住去 IKEA 買下 d 立雜野, 經過學校個站見到勁多人著住阿積士 ge 衫, 咁我地就落車睇下 la, 真係有波睇 wor, 阿秋話好想睇, 不過我同 Wendy 都話無心理準備, 唔想睇住, 雖然我都好想搵場波睇下, 不過我覺得夏天睇會好 feel 好多, 太凍 la 呢兩日… 之後去咗 IKEA 買野, 但係佢地兩個係度嬉戲, 我覺得真係過份咗, 佢地又唔覺得有問題 ga wor, 但係我就忍唔住開聲話佢地兩個

之後就返屋企大掃除, 年廿八 ar ma~ 都頗支力 ga! 食完飯就又睇戲 la, 今次睇 “哈爾的移動城堡” 我覺得好睇 ga, 不過佢地好似唔多欣賞, 我同佢地淨係講睇戲 ge taste 就已經差天共地, haha... 仲有之後o個兩個法國仔黎搵 Kelvin, haha 不過佢地著哂 custom 咁, 好搞笑我覺得

打日記打到兩點就訓 la, 係呢度過咗兩個禮拜, 唔計 hall fee, 都係洗咗一千蚊港紙 ja, 其實唔係洗好多~