記得中三哥年
培記不知為何黎左個分級制度
將成績最好的都放在同一班
哥時我地叫佢地班做尖子班
然而其他ge 三班(當時共四班:信望愛善)
就係叫做賣淨蔗, 倉底貨
仲有一班就係呢個topic--籮底橙
當年我梗係唔係尖子班la
從來我都好抗拒呢d 分班
因為定必會帶一定的副作用

till 昨天
我又感覺到自己有一種被人標為籮底橙的感覺
在澳大讀法律導論班原來給教授老師...
一種沒成就感的感覺
即係話佢地一心教好學生
但學生的考試答案卻完全係沒有水準的感覺
的而且確我不否認這個現實
因為畢竟大部份人都係邊番工邊番學
包括一天要上十小時以上法律課的本人
可是...
我介懷的不是這個信息
我介懷ge 係點解我地會作被人看不起和被忽視的一群
我有一種很不甘心的感覺

最近一天都到晚都係度上法律ge 堂
這反而令到我更加有興趣讀法律
比平時唔駛番夜校更努力
我第一次將成本民事訴訟概述睇晒先去上堂
每晚入睡前我感到最可惜ge
係對著本物權, 債法, 民訴, 行政法...
有心無力, 睇唔到書
我感到很喜歡看書 更喜歡上堂
因為每看一頁書
每上一課堂
我便認識到更多更多...

即使我地被標為籮底橙
但係 我都要成為裏面最甜最靚ge 一個