以上就係影得唔係太清楚既炸豬扒拉麵同牛肉飯囉..係上次去地下窿窿果間快樂屋時點既菜呀!!用手機影就係咁上下樣咖啦~將就下囉..

- - - - - -

又到左星期一二人世界既時間..今晚放學後隻豬陪我周圍去行boutique同商場睇野..我地都好耐未去過美好商場lu..最後係yello果邊買左條裙仔..哎呀呀~~~如果唔係唸住著比佢睇..我真係唔買呀!! 我只會為佢而著得斯文少少咖咋..不過有樣野我唔係太鐘意..就係每次同佢去買衫時..佢都好鐘意 問我買黎襯咩色既其他衫褲..跟住就同我襯一大輪..襯得佢唔滿意佢就唔比我買件衫..攪到好多時明明我好鐘意..又唔比我買..一係就扁哂咀話唔鐘意..喂喂喂!!!! 家陣係我自己比錢買黎比自己著..扁咩咀姐!!! 問你意見只係比面..唔好下下都咁對我好bo~ 不知不覺咁就行左個幾兩小時..我地終於捨得去食飯飯lo..今晚去舊甜夢園撐抬腳..阿豬叫左鑊仔牛柳..我地一個餐兩份食..點解好似叫咁少野!? 因為個牛柳足足有六塊好似我手掌咁大咁厚既牛柳囉!!!! 六塊咁多喎..點會唔夠食喎~

(左)好好味既牛柳  (右)阿豬幫我事後分好既牛柳飯飯..佢仲幫我將d牛柳切成粒粒方便我食~哈!

(左)~阿豬幫我分緊餐湯呀!!^^  (右)~我只係覺得自己好樣衰衰咁..

飽飽後阿豬就換左私家車車同我遊車河..我地又行西灣大橋過乙水仔..不過今晚既小晴唔係太舒服..唔知點解食飽飽都不停咁發冷喎..著埋隻豬件褸都唔夠溫..最後原來我又發燒..唉..好彩食左粒藥冇耐覺得好少少姐..thx豬豬~係返屋企之前..我地去左余保和果度飲湯湯..我飲羅漢果燉木瓜雪耳..而隻豬堅持要飲五花茶..之後就歸家lu~

- - - - - -

Lemon Cello..

係一間新雪糕店..位於Fancl House側邊果條街..唔知大家去過未呢!? 星期二..中午食飽飯就同隻豬過去買雪糕食..隻豬之前又話唔鐘意食雪糕..又話d雪糕軟身好肉酸..最後我地買左一杯綠茶同一杯金莎朱古力試下啦..車!!!!!! 有冇攪錯~~~~~~~>係咁話唔鐘意食果d人呢..係我仲未食左半杯既時候..佢已經差唔多食哂成杯lo..仲不停話d雪糕軟身好好味lo..又話d雪糕又香又濃lo..真係神又係你..鬼又係你..冇哂你辦法呀!!~