基本上每晚接隻豬收工我都好累..每次搭巴士既途中我都覺得好想訓..今晚接收工前去搵香港仔幫豬取回本變態心理書..跟住就行去二龍喉果邊等巴士..等左十分鐘左右先有12號..點知鬼咁多人一個位都冇..都照上車啦..不過拎住盒弓都真係幾唔方便..冇計啦~

去到佢工作既地方..距離仲有15分鐘先收工..我一個人係個十字路口周圍行..唔係因為無聊..係因為我好凍..真係好大風..自己趕住出去又著唔夠衫..行下左行下右..又行去路中心..搵左一陣都搵唔到個冇咁大風既地方..最後唯有企係街角照等收工..其實都唔係凍..係大風囉..望住對面係園遊會既場地..一唸起佢園遊會要開工..再唸起唔可以同佢一齊去園遊會..對住個場地真係好想發脾氣..

今年好想好想同佢去bazaar係因為上年..前年都係同傻海去..我而家都一心一意對佢啦..同佢一齊去園遊會呢個要求應該唔算過份掛!? 唉......不過我知今年唔會去..唔去囉.....唔去咪唔去囉......巴之閉~

返到屋企..我又唔舒服啦..有d作感冒..不過我成日都病咖啦..慣lu..但今晚個心口不停咁痛..尤其係等佢收工之前..一路比風吹個心口又一路痛..心呀心~~唔好玩我呢!!