哎～～～終於都打爆網球機，真係想開香檳去慶祝一下！其實單打我係好耐之前晨咁早打爆左，雙打係難ｄ既，因為好講默契，嘻嘻，我同阿ｂ贏到，就證明我地好襯襯啦。

贏左果一刻，我地兩個係度大叫，跟住阿ｂ即刻攬住我條腰錫我。ｗｏｗ～～呢種感覺好實在、好有安全感、好舒服，我覺得好耐未試過咁開心。但同以前果個打親機都會嗌交收場，因為我同佢都算係火爆型，所以我其實唔係太鐘意同佢雙打，因為覺得同佢一齊玩親都輸硬。不過我知佢都係想陪我先同我玩姐，唸起有個錫自己既人咁陪自己都好開心。但反而我鐘意同ｎｅｓｔａ玩，佢係ｋａｒｅｎ個男朋友，因為佢真係玩得幾勁，所以孖佢玩真係～～～掂呀！

到阿ｂ，我就由頭開始ｔｒａｉｎ佢，本來佢都只會坐我隔離睇下，點知有次同超哥仔慶祝完生日之後同猩猩王，仲有阿森一齊去玩，就係果次佢開始同我雙打。

尋日，係街撞到猩猩王，佢地知我想玩射槍，就同我去玩。嘻～我好鐘意睇住人地打機時個表情，因為集中精神既時候，一個人睇落去係最有精神同積極，我鐘意呢種感覺。我鐘意！