今日唔係太開心，係好擔心，因為一早收到老人院既電話，個姑娘神色沉重咁話要搵爸爸，問佢發生咩事又吞吞吐吐唔敢講。我即時驚到連自己講野都口疾疾，以為阿麻佢出左咩事。

我擔心到即刻飛的過山頂，好彩最後都冇事，但令我唸起大約兩年前麻麻被救護車由屋企送去山頂既情形。一直仔入7都認為我果次做錯，如果早少少返屋企咪會好囉，多個人多個照應。點知當時阿嶸咁岩返左黎冇耐，我掛住陪佢攪到辛 麻麻出事都唔知。好彩當時我地只係坐係油站果度傾計，我一聽到救護車聲就即刻跑返屋企，結果比我估中，真係有事。

唉，希望麻麻佢快d冇事返老人院休息啦，我都好唔安樂，好擔心。

等我得閒叫埋阿b去探麻麻先，雖然其實好耐之前佢地都見過面，因為當時阿b都來過我屋企，但當時麻麻唔知佢係我男朋友。仲記得當時麻麻話阿b好幫得手，係咁"質"佢食西瓜。係咪睇到好無聊呀？我唔覺喎，因為係阿b既事。