《富士山下》的旋律優美﹐我聽了不下於五百次﹐反覆思索﹐始終不明白歌詞的意思﹐問題一直困擾著我。一天﹐終於立定決心向Forum的高手請教。留下了以下提問：

============================================================
我的問題：
請問《富士山下》其中三句歌詞的意思﹐反覆聽後﹐我想不到與整首歌曲的關連。

1) 試管裡找不到它染污眼眸
(試管指甚麼？它如何染污眼眸？)

2) 我絕不罕有﹐往街裡繞過一周﹐我便化烏有
(為甚麼要特別提到自己很平凡﹐會消失化為烏有？與主題有何關連？)

3) 你還嫌不夠﹐我把這陳年風褸﹐送贈你解咒
(「你」嫌甚麼不夠？解甚麼咒？)

謝謝！

高手回答：
1) 何不把悲哀感覺 假設是來自你虛構 試管裡找不到它染污眼眸
意思係：只要把悲哀感覺當作係自己虛構出黎既，成件事根本唔係咁既，只係自己諗埋左一邊既者，咁樣諗法，眼眸裏就唔會有哀傷既愁緒，就算誇張到要用試管黎做實驗，都搵唔到半點哀傷之情。

2) 意思係：我根本平凡到好似一粒塵埃咁，你行出街，大把人比我出色，你何必為左我而咁傷心呢? 咁樣值得咩? 唔好為左一棵樹而放棄成個森林，街外大把好男人俾你選擇。

3) 意思係：我講左咁多，足夠你對我死心未? 如果你仲嫌唔夠既話，我就連你送俾我既呢件陳年風褸都歸還返俾你，你當係解咒又好，當係乜野都好啦，總之，我地以後就各行各路，互不相干。
第(1) & 第(2)句 係為開解對方而講既!!!
第(3)句 就係同對方攤牌!!!
成首歌意思係講：一對情侶拍左拖一段時間，男方因某d原因(可能係工作關係/私人理由)，而逼於無奈要同女方提出分手，但女方對男方依然好痴纏，即使調職，也改變唔到女方要求復合既決心，於是乎，男方就軟硬兼施，同佢攤牌，由此可見，男方對分手既決心好大。

成件事冇話邊個岩，邊個錯，人生本來就係有好多無奈，唔係話你想擁有某d野，就一定可以抓緊某d野。因為有好多其他因素影響事情既發展。例如：工作/家庭/學業等等。
============================================================

哦﹐原來如此。相信我窮一生的精力也解不開這道謎。不過﹐那名女孩為求復合﹐算是大費周章。


《富士山下》陳奕迅主唱


攔路雨偏似雪花 飲泣的你凍嗎
這風褸我給你磨到有襟花
連調了職也不怕 怎麼始終牽掛
苦心選中今天想車你回家
原諒我不再送花 傷口應要結疤
花辦鋪滿心裡墳場才害怕
如若你非我不嫁 彼此終必火化
一生一世等一天需要代價

(Repeat)
誰都只得那雙手 靠擁抱亦難任你擁有
要擁有必先懂失去怎接受
曾沿著雪路浪遊 為何為好事淚流
誰能憑愛意要富士山私有
何不把悲哀感覺 假設是來自你虛構
試管裡找不到它染污眼眸
前塵硬化像石頭 隨緣地拋下便逃走
我絕不罕有 往街裡繞過一周
我便化烏有

情人節不要說穿 只敢撫你髮端
這種姿態可會令你更心酸
留在汽車裡取暖 應該怎麼規勸
怎麼可以將手腕忍痛劃損
人活到幾歲算短 失戀只有更短
歸家需要幾里路誰能預算
忘掉我跟你恩怨 櫻花開了幾轉
東京之旅一早比一世遙遠

你還嫌不夠
我把這陳年風褸
送贈你解咒