尋日喺公司 msn不停send過嚟的 都是風暴消息..
講到似層層..

出街去銀行嗰陣 聽到一個四眼仔同佢呀head gei對話
四眼仔: 嘩 如果聽日打唔成風 天文台實俾人插呀.公司d OL已經喺度PLAN緊聽日打風去邊到玩呀..
呀HEAD: 吓 乜而家打風 邊咗大家聯誼日呀..

真係搞笑.

返到OFFLICE 仲有幾粒鐘 D同事都無心機做嘢等放工.
因為個風好似真係打得成咁.

今朝7點起身 聽新聞. 聽到第一句.三號風球仍然懸掛
(呢個時候心一沈 掙扎緊等唔等多陣呢 要返工啦WOW)
但係新聞報導員續說: 天文台話於8點前會懸掛8號風球.....
聽到我即刻笑咗出嚟..
話俾到老公聽 大家又可以繼續瞓啦..

今日 我相信全港的OL 同埋各行各業 一定好開心...
但有D人仍然要在8號風球之下返工..
好似便利店 超級市場 食市 油站
仲要我呀妹<--冒險樂園風雨不改架..有無人去玩呢唔知.
向呢班人同情之餘 你們要繼續努力呀.

新聞又報道 未來會改掛更高風球..
唔知幾耐無掛過10號呢..

呢一刻 真係好想落街睇吓..
但老公話 我出街 實俾風吹走WOW...