仲有兩個禮拜 我就返工啦..
心情有d緊張 又興奮 因為可以出街返工賺錢錢啦..
又有小小唔捨得個b女//

不過到時一放工又可以見到佢..咁仲會珍惜同佢玩 相聚gei時間..
講到好似見情人咁.

係呀 呀女對我嚟講 真係好似情人咁..
又愛又恨呢.. 最鐘意佢瞓覺個甜樣..
最怕佢唔肯瞓覺 扭計 但當佢瞓著時 又好想佢起身同我玩..
前幾日 佢對住我笑 隻眼仲睜到好大 好精靈

聽日星期六 我約咗班教友去探珊姐姐 同埋佢剛出世geibb仔.
我仲會帶埋b女出去添.
到時兩個b一齊影相 一定唔少得啦..

聽我d教友講 我哋堂區有好多識得gei朋友生咗bb.
而我哋另一位主日學導師queenie生咗個女呀 ^.^ 佢排第六
我個b女係大家姐 第一個出世.
佢哋仲提議呢班金豬bb第時要定期約埋出嚟聚吓 見證大家gei成長添.

知道人哋都做媽媽 有著做媽媽的苦與樂的話題..
很感動啊...

呢排喺屋企 繼續聽收音機 聽咗好多好笑gei gag
同大家分享吓.

gag 1
紅豆同綠豆打仗 紅豆派出咩嚟同綠豆打呢?
答案係//
紅豆兵(冰)

咁紅豆兵同綠豆兵打仗前 紅豆兵首領會講咩呢?
答案係//
紅豆go(糕)~~~~~~ 哈哈哈哈..係咪好爛呢?

gag 2
動物園裏有隻動物病咗 你知唔知係邊隻呢?
答案係
牛(嘔) <--要讀出嚟先明gei 哈哈

gag 3
大雄有日因為測驗零分 俾媽咪罰"櫃"地下.
佢同叮噹講求救 咁叮噹攞咗d咩法寶出嚟呢? (機器一種)
答案係//
自動"櫃"完"機

正嗎? 成日喺屋企 好在有呢d搞笑嘢陪我..~