昨天10月27日 彤彤bb滿月了..
(終於捱過了一個月 ^.~...很累)
見到囡囡一天一天咁長大 辛苦都值得的...
其實我知道 唔只我一個人付出.
老公都付出很多 短短一個月
佢已經識得同囡囡玩尿片(通常仲要b女開大時) 沖涼 沖奶/餵奶 ..
每日返到嚟屋企 佢都會同個女講吓嘢 影吓相..

有時見佢餵夜奶 餵到瞓著了 第二朝又要返工 真係辛苦呢.
嗱 喺度讚吓你啦 老公.^.^.

個囡我哋一齊努力湊大佢啦wow...
彤彤豬呀 第時記得好好孝順我哋倆個啦...
(講開又講 我都無好好報答父母 要再對佢哋好d啦)

好多謝嚟探過彤彤的一班朋友 同埋你哋gei禮物.祝福
未嚟gei朋友唔駛擔心 我哋仲有薑醋留俾你地架..(滿咗月 應該仲食得)
記得打俾我落booking啦wow..

滿月出街啦 我哋帶囡囡返屋企食飯.

出街前 著靚靚衫..粉紅色一set的..
彤彤bb好似知道要出街 對住我笑呀.

抱住佢 眼仔碌碌~
我哋終於出街啦 .........

終於返到媽咪屋企..

彤彤同公公婆婆仲要呀雯姨姨影相添...
識得望鏡頭架..

爸爸同媽咪做咗公公婆婆啦 佢哋好開心..
抱佢彤彤 不停引佢笑..
真係好鐘意返屋企gei感覺..我都食咗好多嘢..
而彤彤就喺我哋開飯前 就請大家食咗一大包咖喱..
呀妹(呀雯姨姨)見狀想嘔添...

臨走前 媽咪給我一個包裹
係佢舊同學從台灣寄來送俾我b女gei..

返到屋企拆開 開心死我啦 原來係一張pooh pooh冷氣被.
唔用時可以做咕口臣添..

十點幾 返到屋企 彤彤又搵周公了..
辛苦你啦 今日出街街....

帶佢出街gei感覺真係好開心呀....