自從喺醫院返嚟屋企 為咗湊B女
每隔兩小時餵奶 換片片 哭聲不斷 我傷口又痛...
真係搞到身心疲累

不過 見到B女瞓到霖霖豬GEI樣 真係乜都唔記得晒..
E家同老公一齊照顧BB女的感覺..
真係好一家人FEEL...

好想POST多D相 等過多幾日先..
我GEI朋友呀 等我休息多兩星期度 你哋就可以嚟食薑醋啦.
到時再約啦..

喺呢度順便講句 如果朋友們你哋呢幾日打俾我嗰時未能回覆..
請見諒呀 因為我有時正在餵奶 或在休息當中..
等我得閒D 或者精神好D 會一一打返俾你哋 ^.^

生B過程 現在都好記得..
除咗痛之外 仲有痛 同埋痛 ...

未能一一盡錄 可以好簡單咁講吓..
其實都唔簡單.....

在9月24日 曾經以為穿羊水 而入院檢查..但後來因為見紅
所以多住幾天醫院
9月26日 醫生話我雖然有見紅 但係未係時候生..叫我回家休息.
下一個星期四回醫院覆診

9月26日 晚上 突然有陣痛感覺 但係我驚去到醫院時..
到時又話我未係時候..所以 我成晚喺屋企望住我鐘..
到半夜 老公睇緊波 我陣痛愈來愈勁..但係我堅持喺屋企繼續觀察耐D..
等陣痛至五分鐘一次 先肯叫老公同我坐的士去醫院..

忍到9月27日的朝早6點幾 終於忍不住. 好辛苦咁落街坐的士.
7點度 終於到達醫院.
當時 姑娘話我開始準備要生BB 但係應該無咁快 叫我老公返屋企等電話.
但係 唔夠半個鐘 姑娘同我講 我生得啦 叫我通知老公返來.
(因為係產房一直到可以用電話 直到生的一刻)

那時產房FULL晒 笑氣又唔夠分(笑氣係用來俾產婦生仔聞的 用作止痛)
姑娘話我因為好快要生BB 嚟唔切幫我打止痛針.
而老公雖然上晒產前講座 但因為產房人FULL咗 唔方便陪產..

結果 我喺無任何止痛方法之下 老公又唔可以陪住我..
我靠自己 同埋祈禱(當時係我唯一的止痛方法)
8點幾 我就生咗B女出嚟啦..足足早咗兩個禮拜
見到B女一刻 我的眼淚好自然咁流出來..開心的感覺真係無法形容.


助產士同我講 ”下一胎就唔好咁遲先入院啦..你差D就喺屋企生架啦”

一天一天咁唔同樣..好神奇..真係變靚D..

第一張全家幅 BB出世的第二日..
呢個樣GEI我 都幾精神呀..

E家我唔敢照鏡 從未如此殘樣..
好在無人見到咋..

兩個禮拜後啦 應該會好D架啦...我要休息多D先得...
講住咁多先